Eiginleikar
Tilkynna er öruggt tilkynningakerfi fyrir uppljóstrun, EKKO-mál og aðrar viðkvæmar tilkynningar. Kerfið einfaldar móttöku tilkynninga, örugg samskipti og umsýslu mála
Stofnun aðgangs
Fulltrúi lögaðila stofnar aðgang í kerfi Tilkynna, sem býr til sérstaka vefslóð fyrir tilkynnendur. Þar geta starfsmenn og aðrir tilkynnendur tilkynnt misferli og haldið áfram samskiptum í gegnum örugga samskiptagátt.
Öryggi og trúnaður eru í forgangi við meðhöndlun tilkynninga, og allar upplýsingar eru meðhöndlaðar í samræmi við persónuverndarreglur.
Mörg tilkynningasvæði
Lögaðilar geta stofnað fleiri en eitt tilkynningasvæði, sem hentar vel fyrir stærri fyrirtæki eða stofnanir til að aðgreina deildir eða verktaka. Hvert svæði fær sitt eigið undirlén, eins og verktakar-fyrirtaeki.tilkynna.is og starfsmenn-fyrirtaeki.tilkynna.is.
Mögulegt er að sérsníða spurningar, bæta við upplýsingasíðum eins og leiðbeiningum og verklagsreglum, og setja sértækar reglur fyrir hvert svæði, t.d. lykilorð, persónuupplýsingar eða rafræna auðkenningu.
Umsýsla tilkynninga
Með umsýslukerfinu er hægt að breyta málsheiti, stilla stöðu máls, bæta við umsjónaraðilum, og merkja málin með merkimiðum til að flokka tilkynningar og auðvelda leit. Einnig má bæta við athugasemdum og eiga samskipti við tilkynnanda til að afla frekari upplýsinga.
Þegar máli hefur verið lokið er hægt að hreinsa persónuupplýsingar í samræmi við verklag vinnustaðarins og þær persónuverndarkröfur sem eiga við.
Örugg samskiptagátt
Örugg samskiptagátt er sett upp fyrir hverja tilkynningu og varin með auðkennisnúmeri og lykilorði. Ef tilkynning er send nafnlaust getur tilkynnandi þar átt áframhaldandi samskipti án þess að gefa upp nafn.
Í gáttinni geta umsjónaraðilar og tilkynnandi átt samskipti og deilt skrám. Tilkynnandi getur jafnframt séð hvort málið sé í vinnslu eða því lokið.
Samskipti
Boðkerfi
Tilkynna býður upp á öruggt boðkerfi sem veitir utanaðkomandi ráðgjöfum stýrðan aðgang að málum. Gögn og samskipti haldast innan kerfisins. Þannig er hægt að kalla eftir umsögnum frá utanaðkomandi aðilum, án þess að senda viðkvæmar upplýsingar í gegnum óörugg kerfi. Þetta tryggir bæði öryggi og gagnsæi.
Kerfið gerir einnig kleift að búa til tengla með stillanlegum réttindum og deila þeim í gegnum tölvupóst. Tenglar geta verið gerðir óvirkir eftir notkun og innihalda skilaboð sem birtast við opnun.
Auðkenning með rafrænum skilríkjum
Lögaðili getur stillt kerfið þannig að tilkynnendur þurfi að auðkenna sig með rafrænum skilríkjum, sem eykur öryggi og gæði tilkynninga og minnkar hættuna á ruslpósti.
Notendur kerfisins hjá lögaðila geta einnig valið að skrá sig inn með rafrænum skilríkjum eða með hefðbundinni innskráningu með notendanafni og tveggja þátta auðkenningu.
Nafnleynd
Tilkynna styður vinnustaði við að gæta leyndar um persónuupplýsingar tilkynnanda. Ef umsjónaraðili óskar eftir aðgangi að auðkennisupplýsingum þarf að skrá ástæðu og aðgerðin er varðveitt í óbreytanlegri atburðaskrá.
Nafnleynd og nafnlaus tilkynning eru ekki það sama. Vinnustaðurinn getur einnig ákveðið að leyfa tilkynningar án þess að tilkynnandi gefi upp nafn.
Yfirlitssíða
Yfirlitssíðan gefur lögaðila heildarsýn yfir núverandi stöðu og árstölur, með línuritum sem sýna fjölda móttekinna og lokaðra tilkynninga, notkun merkimiða, skráningar umsjónaraðila og afgreiðsluferli tilkynninga.
Lögaðili getur einnig séð fjölda nýrra tilkynninga, opinna mála og mála í bið, auk ólesinna skilaboða og athugasemda. Helstu tölur ársins innihalda fjölda tilkynninga, loknar tilkynningar og meðalafgreiðslutíma mála í virkum dögum.
Atburðaskrá
Umsýslukerfi Tilkynna skráir allar aðgerðir í óbreytanlega atburðaskrá, þar sem lögaðili getur fylgst með öllum skráðum aðgerðum. Í atburðaskránni er hægt að sjá hver framkvæmdi aðgerðina, hvenær hún var framkvæmd og, þegar við á, ástæðu aðgerðarinnar, svo sem þegar persónuupplýsingar tilkynnanda eru skoðaðar.
Aðgerðir sem hafa verið skráðar í atburðaskrána eru óbreytanlegar og ekki er hægt að fjarlægja þær.
Hvernig passar Tilkynna við verklag ykkar?
Förum yfir tilkynningaleiðir, aðgangsstýringu og innleiðingu fyrir vinnustaðinn ykkar.
Bóka kynninguStofna aðgang og prófa frítt