Notkunarskilmálar

Notkunarskilmálar

Vinsamlegast lestu þessa notkunarskilmála þar sem þeir eiga við um notkun þína á þjónustu Tilkynna. Ef þú samþykkir ekki þessa notkunarskilmála skaltu ekki nota þjónustuna. Notkunarskilmálar geta breyst hvenær sem er og er áframhaldandi notkun á þjónustunni talin samþykki breytinganna.

Notkun þjónustu

Þjónustuna má aðeins nota í lögmætum tilgangi og á lögmætan hátt. Með því að nota þjónustuna samþykkir þú að fara að öllum gildandi lögum og reglum sem varða þessa þjónustu og notkun hennar. Þú staðfestir að allar upplýsingar sem þú veitir í gegnum þjónustuna eru sannar og réttar, eftir þinni bestu vitund, og ætlaðar til að upplýsa um misferli eða ámælisverða háttsemi í starfsemi lögaðila.

Með því að nota kerfið þá samþykkir þú að hlaða ekki upp né senda eða dreifa, skaðlegum hugbúnaði sem ætlað er að breyta tölvukerfi eða gögnum, svo sem tölvuvírusum og ormum, eða til að fá óheimilan aðgang að þjónustunni, öðrum notendum eða öðrum kerfum sem eru tengd þjónustunni.

Persónuupplýsingar

Þjónusta Tilkynna er þróuð til að standa vörð um nafnleynd og vernda gögn þess sem sendir skilaboð ásamt því að gera notendum kleift að eiga nafnlaus samskipti sín á milli. Tilkynna heldur ekki utan um lýsigögn, þar á meðal IP tölu þína, sem gæti leitt í ljós hver þú ert.

Ábyrgð

Notkun þjónustunnar er á eigin ábyrgð notanda. Tilkynna er undanskilið, að því marki sem lög leyfa, allri ábyrgð sem kann að myndast sem afleiðing af notkun þessarar þjónustu. Með því að nota þjónustu Tilkynna, samþykkir þú að gera engar kröfur í bætur til Tilkynna / Slidesome ehf. vegna skaða sem gæti hlotist af notkun þjónustunnar. Þar með talið vegna niðurhals, hlaða upp gögnum, vegna aðgangs að gögnum, upplýsingum eða öðru efni sem hægt er að nálgast í gegnum Tilkynna.

Gildandi lög

Notendaskilmálum er stýrt af og túlkaðir í samræmi við íslensk lög.